Korrika! korrika!

Deustuk dagoeneko ongi etorria eman dio korrikari txikien alaitasunaren bitartez. Jarri dezagun ba doinua gure txikixek emandako lehen urratsei korrika 16ak gure herrira allegatu bitartean!


ONGI ETORRI, LAGUN!!

Deustuko txikienek ongi etorria eman diote korrikari

Deustuko Ikastolatik abiatu da Korrika txikia arratsaldeko 15:30etan. Ehunka ume bildu dira Jon Arrospide eta Iruña kalean, beraiek egindako petoa soinean zutela, euskararen aldeko lasterketa txikian parte hartzeko.



Txikienek banderolekin agurtu dituzte lekukoa hartu duten bi haurrak eta atzetik zetozen irakasle eta ume guztiak. Gurasoek “ongi etorri 16.korrika” zioen pankarta eraman dute. Ikastolakoek Deusto Ikastetxe Publikoaren atean lekukoa eman diete bertako ikasleei. Eta korrika txikiak aurrera segitu du. Blas de Otero kalea, Madariaga etorbidea, Luis Power, Botika Zahar parkera iritsi arte.

Ibilbidean zehar asko izan dira lehioetara atara direnak Korrikako kanta entzutean. Amaieran korrikalari guztiek indarra berreskuratu ahal izan dute AEKko kide eta eskoletako gurasoek banatu dituzten zukuei esker.

Ehunka lagun Botika Zaharrean Bizkaiko eskola publikoen topaketa jaialdian

Martxoaren 18an, asteazkena, arratsaldeko 17:30etatik aurrera giro paregabeaz gozatu izan zuten “Bizi Euskal Eskola” lelopean antolatutako jaira hurbildu zirenak. Sortzen Ikasbatuaz elkarteak, Deustuko Ikastolaren laguntzarekin, antolatu zuen Bizkaiko eskola publikoen II. topaketa jaialdia eta maiatzak 24an, Iruñeako Takonera parkean eskola publiko berriaren jaiaren testuinguruan kokatu dute ekimena.



Deustuko Ikastolako trikitrilarien kalejira ostean, bertsolariek hasiera eman zioten jaiari. Ondoren, Santutxuko Karmelo, Ermua, Basauri eta Deustuko ikastoletako ikasleek dantza eta antzerki ikuskizuna eskaini zuten eta amaitzeko TZ taldearen kontzertua izan zen. Gainera arratsalde osoan zehar aurpegi margoketa, material salmenta, txozna eta kale animazioa egon zen.

Jaia posible egin duten ikastetxe guztiei, bereziki Deustuko Ikastolari eta Deustuko Jai Batzordeari eskerrik beroena adierazi zieten Sortzen Ikasbatuazekoek, “lan txukuna egin dutelako”. Era berean, eskola publiko euskaldunaren eredua aldarrikatu nahi zuten bertan. “Eskola publiko euskalduna aldarrikatzen dugu. Euskaraz bizi, kultura euskalduna bultzatu eta pedagogia berritzailea duen eskola parte hartzaile eta parekidea nahi dugu”, azpimarratu zuen Aitziber Martínez de Lagos, Sortzen Ikasbatuazeko koodinatzaile orokorrak.

Bestaldetik, Nafarroa eta Euskal Autonomi Erkidegoko eskola publikoen antolaketan dagoen administrazio zatiketa gainditzeko premia adierazi dute. Baita Lapurdi, Baxenafarroa eta Zuberoako eskola publikoena ere. “Hezkuntza Sistema Propioa behar dugu Euskal Herri osoan, gaurko eskola publikoaren antolaketa askieza delako eta oztopo bihurtu delako”.

Korrika txikia gure artean izan da

Argazkiak lekuko...

korrika txikia 16

BADATOR KORRIKA!

...eta gurean txikia da lehenengoa :-)

Euskal Herri osoan zehar egiten den euskararen aldeko lasterketa erraldoia da korrika.

Korrika txikia umeen neurrira egiten den korrikaldia izaten da, bi urtero antolatzen den korrika nagusiaren aurrekaria izaten da.


KORRIKA TXIKIA DEUSTUN
Noiz: martxoak 26, osteguna.
hasiera: Deustuko Ikastola
ordua: 15:00


ibilbidea:


Ikusi mapa handiagoa


Ekintza honetan laguntzeko prest egongo bazina bi txanda prestatu ditugu laguntzeko; 15:00etan ikastolako atean eta 16:00etan ikastolako idazkaritzan.

Etortzeko aukerarik izango bazenu eskertuko genizuke. Ahal izatekotan euskara batzordeko e-postan baieztatu:
euskara(a bildua)deustukoikastola.org

Ondo izan

--
Guraso Elkarteko Euskara Batzordea

Guraso.com ataria aurkeztu dute Arrasaten

Guraso.com gurasoen premiak asetzeko eta zalantzak argitzeko webgunea da. Gurasoendako interesgarriak izan daitezkeen gaiak jorratzen ditu, hala nola: teknologia berriak, osasuna, prebentzio gaiak, hezkuntza formala eta ez formala, kulturartekotasuna, jolasak, sexualitatea, hiztegiak edo familiendako planak.

Hileko bazkari menuak. Martxoa 2009

EGUNA		1. PLATERAK	2. PLATERAK	POSTREAK
2	Astelehena	Makarroiak tomatearekin	Eskalopea entsaladarekin	Fruta
3	Asteartea	Indaba zuriak	Oilasko paparrak piperrekin	Esnekia
4	Asteazkena	Patatak saltza orlegian	Arraina maionesarekin	Fruta
5	Osteguna	Garbantzuak barazkiekin	Kroketak entsaladarekin	Esnekia
6	Ostirala	Porru salda	Saltxitxak Ketxuparekin	Fruta
9	Astelehena	Arroza tomaterarekin	Giarra entsaladarekin	Esnekia
10	Asteartea	Indaba gorriak	Arraina saltsan	Fruta
11	Asteazkena	Lekak patatekin	Oilasko paparrak piperrekin	Esnekia
12	Osteguna	Dilista gisatuak	Enpanadilak entsaladarekin	Fruta
13	Ostirala	Okela sopa	Aragi gisatua	Esnekia
16	Astelehena	Manoliak tomatearekin	Solomoa entsaladarekin	Fruta
17	Asteartea	Kalabaza krema	Arrain frijitua	Esnekia
18	Asteazkena	Indaba zuriak	Pernila oportoerara	Fruta
23	Astelehena	Makarroiak tomatearekin	Solomoa entsaladarekin	Esnekia
24	Asteartea	Indaba gorriak	Arraina saltzan	Fruta
25	Asteazkena	Acelgak patatekin	Indioiar paparrak piperrekin	Esnekia
26	Osteguna	Isar Sopa	Albondigak tomatearekin	Fruta
27	Ostirala	Dilista gisatuak	Enpanadilak entsaladarekin	Esnekia
30	Astelehena	Indaba zuriak	Txerri txuleta	Fruta
31	Asteazkena	Makarroiak tomatearekin	Oilasko paparrak entsaladarekin	Esnekia

Sortzen-Ikasbatuaz-en jaia eta Korrika txikia

datozenak...

SORTZEN-IKASBATUAZ-EN JAIA
Martxoaren 18an Sortzen-Ikasbatuaz-en jaia ospatuko dugu Deustuan: Bai Euskal Eskola da leleoa eta Iruñean egingo denaren aurrerapena izango da.
Laster jakinaraziko dizuegu egitarauau. Bitartean, ekin baestia ikasteari...
http://www.gurejaia.org/

Martxoan ere KORRIKA TXIKI izango dugu, 26an arratsaldeko hiruretatik aurrera. Jendea beharko dugu antolatze eta zaintzeko; anima zaitezte.
Korrika txikik Korrika 16 ekarriko digu, apirilaren 3an. Motoreak berotzen hasteko, hemen duzue zerikusi asko:
http://www.korrika.org/

Ibilibidea, gurean:

1969 LEIOA 09/04/03 ostirala 17:23:11
1976 ASTRABUDUA 09/04/03 ostirala 17:58:17
1978 ERANDIO 09/04/03 ostirala 18:10:38
1981 DEUSTUA (SAN INAZIO-IBARREKOLANDA-DEUSTU) 09/04/03 ostirala 18:33:23